إزاي تشتغل من البيت بطريقة مريحة - نصائح تستثمر وقتك صح

إزاي تشتغل من البيت بطريقة مريحة - نصائح تستثمر وقتك صح

  بما إني موجود من 2011 لسه بتعلم وبشتغل أونلاين يلا شوية Tips ع الصبح لو أنت بتشتغل من البيت كـ Freelancer أو حابب تستثمر وقتك بطريقة صح

" بالرغم إن الشغل من البيت فرصة للراحة وأكثر كفاءة ولكن بعض الأوقات بيكون عائق في أدائك وإنتاجيتك للعمل .. ولو حد يقدرنا يفيدنا بـ غيرهم في الكومنتات تمام

_ لازم تحط بداية اليوم لنفسك مثلا 9 صباحاً ، 12 الظهر إللي يعجبك بلاش تبدأ 7 لأن غالباً هتكسل وهتنام فـاصحي بـ ميعاد معتدل إفطر، صلي، و إبدأ يومك.

_ ممكن تصحي متبقاش عارف هتبتدي بأيه الأول..؟ أنت مش محتاج تفكر إللي يجي في دماغك إشتغل فيه حتي لو هتفشل أو مش هتقدر تعملة، هتلاقي نفسك بتنقل أوتوماتيك لنقطة تانية وحاول تبتدي بأكتر حاجة سهلة تعملها مش لازم أكتر حاجة ضرورية عندك.

_ إننسي إنك قاعد في البيت يعني أنت مش مطالب غير تخصص مكان أو تظبط أوضتك مش لازم يكون مكتب خاص ولكن ع الأقل يكون جانب معزول خاص بيك عن التشتيت والأطفال تفصل خالص عن إللي حواليك وتبقي مركز في إللي تعمله.

_ حدد وإلتزم بساعات عمل ثابتة مش ضروري تكون متقطعة أو متواصلة ولكن الأهم إنك تعمل ليها جدول تحدد فيه ساعات العمل والراحة هتساعدك في التوازن بين عملك وحياتك الشخصية.

_ متحطش لـ نفسك تارجت كـوقت شغل، حط لـ نفسك تارجت إنك تخلص حاجات معينة إنهاردة يعني إتعب ع شغلك براحتك خالص عشان يطلع بالشكل المطلوب وإنت بتسلموا.

_ من العيوب الموجودة في الشغل من البيت إنه ممكن يسرق وقتك وتركيزك بـمجرد ما تخش في المود بيبقي صعب إنك تفصل لأن غالباً الشغل مبينتهيش خد بالك القعدة الكتير غلط ومحدش بيراعي دا حتي أنا أوقات بستمر يومياً أكتر من 10 ساعات علي نفس الكرسي و ضهري بيكون باظ تقريباً في أخر اليوم.

• ❎ تقدر تشوف باقي المقالات علي #عربي_ماركتنج داخل الفيسبوك، موفقين ❤